He ʻekolu kōmike no loko o ka CWG e kia ana i nā kuleana kikoʻī ma ʻō aku o ka pai ʻana aʻe i ka pono o Papahānaumokuākea a me nā moku kele i kahiki ʻo ka Moananuiākea.
Na ke Kōmike Loi Noi Komo e loiloi i nā palapala noi hana ma Papahānaumokuākea, e kaupalepale ana i nā hoʻoilina ʻāina, pili kanaka, a moʻolelo hoʻi mai nā maiuʻu laukōnā e hao ana paha i ua mau hoʻoilina makamae.
ʻO ka Hui ʻOhi Manu ka ʻāuna kānaka o ka CWG e kahu ana i ko Hawaiʻi pae ʻāina pilina iā Papahānaumokuākea ma o nā ʻoihana hoʻomana ʻŌiwi a kākou Kānaka Maoli. E ʻole nā manu ʻŌiwi ʻo ke kaʻupu, ka mōlī, nā koaʻe e kō pono ka nui o nā ʻoihana hoʻomana.
Ke hoʻomau nei ka Nomenclature Hui i ka paipai ʻana i ka papahana e pili ana i ka hoʻihoʻi ʻana i ko mākou mau wahi, a me ke kūkulu ʻana, ka hoʻoikaika ʻana, a me ka hoʻomau ʻana i nā pilina me nā mea a me nā ʻano i loko o kēia mau wahi.
E kūpaʻa mau ana mākou i ke kaupale ʻana i nā hoʻoilina ʻāina, pili kanaka, a pili ʻuhane hoʻi mai nā maiuʻu laukōnā e hao ana paha i ua mau hoʻoilina makamae ma Papahānaumokuākea a me nā moku kele i kahiki ʻo ka Moananuiākea. Eia iho nā mahele kikoʻī a mākou e pai aʻe nei.
